Ռախել Կոհեն-Կագան

Ռախել Կոհեն-Կագան; եբրայերեն՝ רחל כהן-כגן‎
Ծնվել է	փետրվարի 19, 1888
Ծննդավայր	Օդեսա, Խերսոնի նահանգ, Ռուսական կայսրություն
Մահացել է	հոկտեմբերի 15, 1982 (94 տարեկան)
Մահվան վայր	Իսրայել
Գերեզման	Hof HaCarmel Cemetery (Haifa, Israel)
Քաղաքացիություն	Իսրայել
Կրոն	հուդայականություն
Կրթություն	Մոսկվայի պետական համալսարան
Մասնագիտություն	քաղաքական գործիչ և ակտիվիստ
Զբաղեցրած պաշտոններ	Քնեսեթի պատգամավոր և Քնեսեթի պատգամավոր
Կուսակցություն	WIZO և Լիբերալ կուսակցություն
Անդամություն	Հրեական ազգային խորհուրդ
	Ստորագրություն;
	Rachel Cohen-Kagan Վիքիպահեստում

Ռախել Կոհեն-Կագան (եբրայերեն՝ רחל כהן-כגן‎, ծննդյամբ` Ռախիլ Յակովլևնա Լյուբարսկայա, փետրվարի 19, 1888(1888-02-19)^[1], Օդեսա, Խերսոնի նահանգ, Ռուսական կայսրություն - հոկտեմբերի 15, 1982(1982-10-15), Իսրայել), իսրայելցի քաղաքական գործիչ և սիոնիստական շարժման ակտիվիստ, Իսրայելի անկախության հռչակագիրը ստորագրած երկու կանանցից մեկը։

Կենսագրություն

Ռախիլ Յակովլևնա Լյուբարսկայան ծնվել է Օդեսայում, քաղաքում հայտնի փաստաբան Յակով (Յանկել Իոսիֆովիչ) Լյուբարսկու և Միրիամ (Մարիա Մոիսեևնա) Բերնշտեյնի ընտանիքում, որոնք բնակվում էին Պուշկինսկայա փողոցի վրա գտնվող Շլյայնայի տանը^[2]^[3]^[4]^[5]։ Ավարտել է գիմնազիան, սովորել է Օդեսայի կանանց Բարձրագույն դասընթացներում, այնուհետև Սանկտ Պետերբուրգում մասնագիտացել է մաթեմատիկայի բնագավառում։ 1913 թվականին ամուսնանում է բժիշկ Նոա Մոիսեևիչ Կագանի հետ (ծնված Ռիգայում, 1885—?), Բրեսլավսկու համալսարանի շրջանավարտ, որը հաջորդ տարի քրոջ և մոր հետ մեկնում է Պաղեստին։ Ռախիլը մնում է Օդեսայում մինչև 1919 թվականը։ 1919 թվականին «Ռուսլան» նավով գալիս է Հայֆա։ Նա դառնում է Կանանց միջազգային սիոնիստական կազմակերպության (WIZO) առաջնորդներից մեկը Էրեց-Իսրայելում, 1938 թվականին ընտրվում է Կանանց միջազգային սիոնիստական կազմակերպության ղեկավար։

1932 թվականին նշանակվում է Հայֆայի քաղաքապետարանի սոցիալական աջակցության կոմիտեի նախագահ և այդ պաշտոնում աշխատում մինչև 1946 թվականը։ 1946 թվականին նշանակվում է Հրեական ազգային խորհրդի սոցիալական բաժնի պետ։ Նա հանդիսանում է Մոէցետ Հա-Ամի անդամ Կանանց միջազգային սիոնիստական կազմակերպությունից, 1948 թվականին ստորագրել է Իսրայելի անկախության հռչակագիրը, դառնալով` ստորագրողների մեջ երկրորդ կինը (հռչակագիրը ստորագրել է նաև Գոլդա Մեիրը)։

Քնեսեթի առաջին ընտրություններում Կանանց միջազգային սիոնիստական կազմակերպությունը ստացավ 1,2 % ձայն և մեկ տեղ, որը զբաղեցրեց Կոհեն-Կագանը։ Հետագայում նա միանում է Լիբերալ կուսակցությանը և 1961 թվականին պատգամավոր դառնում այդ կուսակցությունից։ Կոհեն-Կագանը ուներ երկու երեխա։

Ամուսնու քույրը` իսրայելցի մանկաբույժ, առողջապահության կազմակերպիչ Հելենա Մոիսեևնա Կագանը (1889, Տաշքենդ — 1978, Երուսաղեմ), Իսրայելի մրցանակի դափնեկիր է (1975), հունգարացի և իսրայելցի ջութակահար Էմիլ Հաուզերի կինը^[6]։

Ծանոթագրություններ

↑ ^1,0 ^1,1 חה"כ רחל כהן-כגן (לוברסקי) — Knesset.
↑ Вначале была Пушкинская...
↑ «Посемейные списки одесских мещан-евреев» (PDF). Արխիվացված է օրիգինալից (PDF) 2016 թ․ մարտի 4-ին. Վերցված է 2019 թ․ հունվարի 7-ին.
↑ Rachel Kagan (Cohen)
↑ Генеалогия семьи Любарских
↑ Helena Kagan

Արտաքին հղումներ

Ռախել Կոհեն-Կագան

Վիքիպահեստն ունի նյութեր, որոնք վերաբերում են «Ռախել Կոհեն-Կագան» հոդվածին։

[_bce2519e9bc2f182-1] 1,0 ^1,1 חה"כ רחל כהן-כגן (לוברסקי) — Knesset.

[2] Вначале была Пушкинская...

[3] «Посемейные списки одесских мещан-евреев» (PDF). Արխիվացված է օրիգինալից (PDF) 2016 թ․ մարտի 4-ին. Վերցված է 2019 թ․ հունվարի 7-ին.

[4] Rachel Kagan (Cohen)

[5] Генеалогия семьи Любарских

[6] Helena Kagan

[1]

[2]

[3]

[4]

[5]

[6]